Nasa ka bërë publike dy imazhe interesante që përmbledhin vëzhgimet e kryera në harkun kohor të 20 viteve, të Kasiopea A-së dhe Nebulës së Gaforres, dy prej “yjeve” më të dallueshëm në qiellin e natës.
Qoftë Kasiopea A dhe qoftë Nebula e Gaforres, janë mbetje të dy shpërthimeve të fuqishme që njihen si supernova. Supernova-t ndodhin kur një yll përfundon ciklin e tij jetësor dhe shpërthen në një magnitudë të jashtëzakonshm.e
Fotot (gif) të publikuara janë vëzhgime të kryera përgjatë 20 viteve nga teleskopi Chandra, të përmbledhura në 20 sekonda.
Kasiopea A dhe Nebula e Gafores ndodhen në galaktikën tonë, konkretisht 11 mijë vite/dritë larg dhe 6,523 vite/dritë larg.
Imazhi Gif-i i mëposhtëm i përket Nebulës së Gafores. Shpërthimi që krijoi këtë nebula është vëzhguar dhe raportuar nga njerëzit afro 1 mijë vite më parë (1054), siç është zbuluar nga një seri me dokumenta që vijnë nga Azia (astronomët kinezë të kohës) dhe disa pjesë të tjera të botës.
.gif "the crab nebula view shows a bright disk around a bright dot - the pulsar - with a jet spread from the disk. both the disk and the jet change over time.")
Shpërthimi i yllit në supernova që krijoi nebulën la pas gjithashtu dhe një pulsar (yll neutron), të cilin teleskopi me rreze X Chandra, ka mundur ta vëzhgojë përgjatë 20 viteve.
Kasiopea A nga ana tjetër është një supernova më e re. Shpërthimi i yllit dhe drita që la pas janë vëzhguar në Tokë afro 340 vite më parë. Teleskopi Chandra ka nisur vëzhgimet e Kasiopea A-së në vitin 2000 deri në vitin 2018.
Imazhet e këtyre dy fenomeneve kozmike, kanë ndihmuar shkencën për të kuptuar më mirë procesin e supernovave dhe se çfarë mbetet pas shpërthimit të yjeve.