Një 30 vjeçare ka humbur jetën mesditën e 10 marsit në Përmet, teksa ambulanca po e transportonte drejt spitalit të Gjirokastrës. Vdekja e të resë ka ndodhur në rrethana të mistershme.
Viktima, me origjinë nga fshati Piskovë i Përmetit, ka kërkuar ndihmë shëndetësore e shoqëruar dhe nga familjarët e saj. Mjekët kanë vendosur ta dërgojnë me urgjencë 30 vjeçaren drejt Gjirokastrës, por rrugës për atje e reja ka humbur jetën.
Policia njoftoi se nga këqyrja paraprake e trupit të viktimës nuk janë konstatuar shenja të dukshme dhune apo dëmtimesh të tjera, ndërsa një grup i posaçëm hetimor ka nisur punën për të sqaruar ngjarjen e rëndë.
Policia nuk ka dhënë detaje në lidhje me shkakun apo shkaqet e vdekjes së 30 vjeçares.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme, teksa po pyeten familjarët dhe pritet përfundimi i ekspertizës mjeko-ligjore.