Një sherr me grushte ka përfunduar në një ngjarje tragjike në lagjen ‘Hajro Çakërri” në Vlorë, atje ku ka humbur jetën një 55 vjeçar. Viktima e identifikuar si Armando Memshani, është goditur me grushte me një tjetër person në një qendër interneti, e për pasojë ka ndërruar jetë.
Policia ka nisur kërkimet për kapjen e autorit, i cili është arratisur nga vendi i ngjarjes. Nga të dhënat paraprake, dyshohet se shkak i konfliktit ka qenë një debat për çështje parash.
“Rreth orës 11:45, në lagjen “Hajro Çakërri”, në një qendër interneti, 2 shtetas janë konfliktuar me njëri-tjetrin dhe gjatë konfliktit shtetasi Armando Memshani, rreth 55 vjeç, për shkak të dhunës fizike (goditjeve me grushte), ka humbur jetën.
Shërbimet e Policisë kanë shkuar menjëherë në vendngjarje.
Nga veprimet e shpejta është bërë identifikimi i autorit dhe vijon puna për kapjen e tij.
Grupi hetimor ndodhet në vendngjarje dhe vijon punën për sqarimin e plotë të rrethanave të këtij rasti.”-njoftoi policia.