Një i moshuar dyshohet se është mbytur në rrjedhën e lumit Devoll. Ka qenë djali i 80 vjeçarit, i cili ka lajmëruar policinë pasi i ati kishte dalë nga banesa në Belsh që prej 31 gushti e nuk ishte kthyer më.
Autoritetet dyshojnë se i moshuari mund të jetë mbytur në lumë. Kërkimet po vijojnë për gjetjen e të moshuarit.
Belsh
Shtetasi T. A., 50 vjeç, ka njoftuar sallën operative, se në rrjedhën e lumit Devoll, dyshohet se është mbytur babai i tij, shtetasi R. A., 80 vjeç, banues në fshatin Rrenas, Belsh, i cili që prej datës 31.08.2023, ishte larguar nga banesa dhe nuk ishte kthyer më.
Shërbimet e Policisë kanë shkuar menjëherë në adresën e dhënë dhe sëbashku me familjarët kanë nisur kërkimet përgjatë rrjedhës së lumit.
Familjarët kanë deklaruar se shtetasi R. A., kishte probleme të shëndetit mendor.
Vijonë kërkimet në të gjithë rrjedhën e lumit, me qëllim gjetjen e trupit të 80-vjeçarit.