Thuajse i gjithë veriu i Italisë është përfshirë nga moti i keq, ndërsa reshjet e dendura kanë fryrë lumenjtë e liqenet duke sjellë përmbytje në disa qytete.
Në Milano reshjet e shumta kanë bërë që lumi Seveso të dalë nga shtrati e të ‘pushtojë’ rrugët e qytetit, shumë prej të cilave janë kthyer në ‘lumenj’ të rrëmbyeshëm.
Allerta #maltempo: Italia spaccata tra nubifragi e caldo, gli ultimi aggiornamenti ora a #Pomeriggio5 pic.twitter.com/pSCAiQSbMO
— Pomeriggio 5 (@pomeriggio5) October 31, 2023
Në Piaçenza e Parma shkollat u mbyllën ndërsa rrëshqitjet e dherave shoqëruar nga reshjet kanë detyruar autoritetet të evakuojnë një sërë familjesh që jetonin në katet e para të disa godinave.
#Maltempo, rami e rifiuti sulle rive del lago di #Como dopo l'esondazione pic.twitter.com/tQvJJCf5xK
— Local Team (@localteamit) October 31, 2023
Në Xhenova era e fortë dhe breshëri kanë shkaktuar probleme në aeroportin ‘Cristoforo Colombo’, ndërsa në Venecia nivelet e ujit kanë arritur 1 e 54 cm, duke lënë në pritje autoritetet për t’i bërë ballë një përmbytje katastrofike.
#Milano, quartiere Isola sommerso: rabbia degli abitanti contro Sala#Seveso pic.twitter.com/REyyTuEaQf
— Local Team (@localteamit) October 31, 2023
Probleme ka patur dhe në akset rrugore përgjatë veriut të vendit, veçanërisht në autostradën Brenner, e cila lidh Italinë me Austrinë. Një anë e autostradës u mbyll si pasojë e rrëshqitjes së dherave.