Një i ri me origjinë nga Shqipëria është vrarë me armë zjarri në Vermante, në zonën e njohur si Cueno. 34 vjeçari Klaudio Myrtaj u gjet në tokë, në punishten ku punonte, me një plagë në kokë, shkaktuar nga një armë zjarri.
La Stampa shkruan se dyshimet e para të policisë janë se vrasja ka ardhur si pasojë e xhelozisë. Policia ka marrë në pyetje disa persona, përfshi këtu dhe të dashurën e të ndjerit. Nga sa kanë mësuar mediat italiane, autori i krimit e ka qëlluar shqiptarin me armë me silenciator. Nga pamjet e kamerave të sigurisë, dallohet autori i cili ka pritur derisa pronari i punishte ku punonte shqiptari, të dilte nga godina.
Ka qenë ky i fundit (pronari punishtes) i cili ka njoftur autoritetet, ndërsa një klient i punishtes e kishte gjetur 34 vjeçarin në fund të jetës.
Klaudio kishte afro 2 vite në Itali. Jetonte jo shumë larg vendit ku ndërroi jetë. Në komunitet njihej si njeri punëtor dhe i sjellshëm me banorët e tjerë të zonës.