• November 6, 2023

Fenomen i rrallë, qielli natës “skuqet” në disa shtete evropiane deri në Mesdhe

Share:

 Përgjatë orëve të mbrëmjes së djeshme në një sërë shtetesh të Europës, deri në zonat e Mesdheut (Greqi e Turqi) miliona qytetarë mundën të shohin një fenomen të rrallë, që rëndom mund ta shikosh veçse në zonat pranë poleve të planetit Tokë.

Në qytete të ndryshme nga Europa qendrore, më tutje në lindje e deri më poshtë në Mesdhe, qielli i natës “u përgjak” nga një e kuqe dhe vjollcë neoni, si pasojë e një fenomeni të njohur si ‘Dritat e Veriut’ ose ‘Aurora Borealis’.

Në rrjetet sociale dhjetëra qytetarë mundën të postojnë foto me të vërtetë mbresëlënëse të fenomenit të pazakontë.

Por shikimi i ‘aurorave’ në këto pjesë të planetit, është një fenomen që ndodh tepër rrallë. Aurora ndodhi kur grimcat nga një stuhi diellore mbërrijnë në Tokë dhe “përplasen” me atmosferën e fushën magnetike të planetit tonë, duke “lëshuar” ngjyra mbresëlënëse që variojnë nga e verdha në jeshile, deri tek e kuqja në vjollcë.