Këtë 28 Nëntor shënohet 111 vjetori i Pavarësisë së Shqipërisë, një ditë e cila bashkon çdo shqiptar, kudo ku ai ndodhet, në festë.
Kudo në trojet shqiptare është ngritur flamuri kombëtar për të nderuar gjakun e sakrificat e të parëve për ruajtjen e përjetësimin e identitetit, kombit shqiptar.
Sot në Prekaz, është ngritur flamuri kuqezi në nder të komandatit legjendar të UÇK-së, Adem Jashari, i cili dha jetën për Kosovën. Sot është ditëlindja e Adem Jasharit dhe figurat më të larta të shtetit të Kosovës, kanë nderuar sakrificën e tij të madhe.
Në Tiranë ndërkohë, e pavarësisht kushteve të motit, festa dhe ngjyrat e flamurit kanë pushtuar bulevardin kryesor të vendit. Në kryeqytet mbi 150 ansamble popullore ndodhen në bulevardin “Bujar Curri”, duke valëvitur flamurin e kombit e në mesin e këngëve.
Në Vlorë po ashtu pati ceremoni zyrtare për nderimin e figurave shqiptare që më 28 Nëntor 1912, shpallën Shqipërinë të Pavarur, duke ngritur flamurin.