Mes familjarëve, miqve e dhjetëra e dhjetëra qytetarëve që e admiruan ndër vite artin e tij, është përcjellë këtë të mërkurë drejt banesës së fundit, artisti Mirush Kabashi.
Nderimet për mjeshtrin shqiptar të interpretimit u mbajtën në hollin e Muzeut Historik Kombëtar.
Mirush Kabashi ndërroi jetë më 5 dhjetor në moshën 75 vjeçare, pas përballjes me një sëmundje të rëndë.
Trashëgimia që ka lënë pas Mirush Kabashi është një pasuri e jashtëzakonshme, me mbi 100 role në teatër e film.
Ikja e tij është një humbje e madhe për të gjithë artin shqiptar, por po ashtu dhe për plot dashamirës, të cilët ndër vite ndoqën interpretimet e papërsëritshme të profesor Kabashit.