Imazhe të detajuara të 19 galaktikave spirale, ngjashëm si galaktika jonë, janë publikuar së fundmi. Imazhet janë kapur nga teleskopi hapësinor më i fuqishëm i njerëzimit, “James Webb” (JWST) dhe po analizohen nga shkencëtarët në Universitetin e Oksfordit.
Thomas Williams, studiuesi në departamentin e fizikës në Oksford, tregoi se ‘sasia e detajeve në imazhe është e jashtëzakonshme’.
“Do të jemi në gjendje që të mund të kuptojmë edhe më shumë për strukturën e galaktikave, si formohen yjet dhe ciklet e tyre jetësore. Imazhet mendoj, flasin vetë. Janë pamjet më të arritura që kemi patur ndonjëherë të galaktikave”-tha shkencëtari.
