Ritëm dhe raste të shumta, përfundon 1-1 pjesa e parë mes Anglisë e Holandës

Një gjysëmfinale e luftuar, me ritëm, dy gola, dy shtylla dhe raste të shumta. Kështu kanë përfunduar 45 minutat e para të ndeshjes mes Anglisë e Holandës.

Golin e parë e shënoi Holanda në minutën e 7’ përmes një predhe të Simons.

Anglia u kundërpërgjigj dhe arriti të marrë një goditje 11 metërshe, fituar dhe shënuar nga Harry Kane.

Në tërësi Anglia ruajti superioritetin në kontrollin e topit me 65%, krahasuar me 35% të Holandës. Pavarësisht se patën disa raste, Anglia nuk mundi të shënojë golin e avantazhit. Një Phil Foden lëshoi një goditje nga jashtë zonës me të majtën e tij, por goli u mohua nga shtylla. Në një tjetër aksion të rrezikshëm po nga Foden, mesfushori arriti të depërtojë në zonën e rreptësisë e të kalojë topin pas portierit të Holandës. Goli u ndalua nga Dumfries, mbrojtësi i cili i ‘fali’ penalltinë Anglisë në minutën e 18’.

Holanda po ashtu rrezikoi, veçanërisht me një goditje me kokë nga ana e Dumfries. Trajektorja e topit veçse ndaloi në traversën e portës së Anglisë.