Një aksident tragjik ndodhi këtë të premte në Lezhë, ku për shkak të përplasjes së dy mjeteve ndërroi jetën një 56 vjeçar.
Aksidenti ndodhi pranë mbikalimit Ishull- Lezhë, ku automjeti i tipit ‘Mercedes Benz’ me drejtues shtetasin me inicialet M.M, goditi një motor me drejtues 56 vjeçarin Pavlin Ndoj.
Ky i fundit për shkak të plagëve të rënda, ndërroi jetë në spitalin e qytetit.
Autoritetet kanë nisur punën hetimore për të zbardhur dinamikën e aksidentit.