Në disa zona të Los Angeles-it, atje ku deri tre ditë më parë jetonin dhjetëra mijëra njerëz, sot gjen veç nxehtësinë e zjarrit, godina të rrënuara në shkrumb e hi dhe qetësinë e frikshme që ka lënë pas një “apokalips” i vërtetë.
Prej mëse dy ditësh tashmë, zjarre të furishme që nisën në një lagje në Palisades të Los Angeles, kanë përparuar pa u ndalur dot në afro 12 mijë hektarë tokë. Gjithçka është bërë shkrumb e hi, ndërsa dhjetëra mijëra banorë të qytetit janë detyruar të lënë gjithçka pas e të ikin na shtëpitë për të shpëtuar jetën. Sipas të dhënave të deritanishme, janë evakuar afro 137 mijë persona.
Pacific Palisade fire made Southern California look like an absolute Horror movie.
— Z-DRAGON (@IBZDRAGON) January 8, 2025
Everyone is FORCED to evacuate, They are out of Water, Fighter Fighters, The wind is so strong that Tunker planes can't do their job and it's set to increase!
2025 starting crazy, Prayers! pic.twitter.com/PpWYrayT5C
Deri më tani, autoritetet kanë gjetur 5 persona të pajetë, të cilët nuk kanë mundur dot t’i shpëtojnë furisë së zjarrit e tymit.
Aktualisht janë 5 vatrat, të cilat vijojnë ende të shkrumbojnë hapësira të pamata toke e çfarë gjejnë para ‘rrugës’ së tyre.
Disa nga banorët që kanë mundur të shpëtojnë prej rrezikut, kanë rrëfyer për median e huaj se situata u kthye shumë shpejt në një katastrofë apokaliptike.
“Filloi një erë shumë shumë e fortë. Degët e pëmëve nisën të bien tek makinat. E pastaj nisi zjarri. Nuk ka asnjë shans të ndalosh dot një zjarr me atë erë aq të fortë”-tha një banor i Los Angeles për BBC-në.
“Prej zjarreve nisi të bjerë nga qielli hi. Kur dola jashtë mu mbulua fytyra prej hirit, ishte e vështirë të merrja frymë e po kollitesha. Kur zjarri u afrua, u bë edhe më shumë errësirë. Mbrëmjen e djeshme u bë aq keq saqë ishte e frikshme të rrije më.”-tha më tutje qytetari, banues në një prej zonave më të goditura nga zjarret.
Aerial view of California’s fire!
— Donald J. Trump 🇺🇸 Update (@TrumpUpdateHQ) January 8, 2025
Very heartbreaking! Pray for humans and animals! pic.twitter.com/nVfQ1P4HMu
Në mesin e shkatërrimit, janë shkrumbuar dhe banesa e vila luksoze. Media e huaj shkruan se edhe vilat e personaliteteve të njohura si Billy Crystal, Paris Hilton and Eugene Levy janë shkatërruar plotësisht prej zjarreve.
Nga ana tjetër, autoritetet raportuan se veç problemeve me energjinë elektrike e furnizimin me ujë të pijshëm, në zonat e prekura kanë nisur dhe vjedhjet e grabitjet. Deri më tani të paktën 3 persona janë arrestuar në flagrancë, duke vjedhur e grabitur objektet e prekura apo në rrezik nga zjarret.
Së fundmi një vatër zjarri ka shpërthyer në kodrat e Hollivudit, duke detyruar auroritetet të japin alarmin e evakuimit për banorët në Santa Monica.