Një 19 vjeçare ka goditur me thikë vëllain e saj të mitur. Ngjarja ka ndodhur në Shkodër, ndërsa policia njofton se vajza vuan nga probleme të shëndetit mendor. I mituri 7 vjeçar është plagosur, por fatmirësisht ndodhet jashtë rrezikut për jetën.
7 vjeçari është dërguar në spital, ndërsa 19 vjeçarja është shoqëruar në spitalin psikiatrik të Shkodrës për të marrë asistencën e nevojshme.
“Specialistët për Hetimin e Krimeve ndaj Personit referuan materialet në Prokurori, ku filloi procedimi në gjendje të lirë për shtetasen B. M., 19 vjeçe, banuese në Shkodër, për veprat penale “Plagosje e rëndë me dashje” dhe “Prodhimi, mbajtja, blerja apo shitja pa leje e armëve të ftohta”, pasi ditën e djeshme në banesën e saj, ka dëmtuar me mjet prerës (thikë), vëllain e saj të mitur, 7 vjeçar, i cili ndodhet jashtë rrezikut për jetën.
Shtetasja B. M., është dërguar në Spitalin Psikiatrik Shkodër për të marrë asistencën e nevojshme, pasi vuan nga shëndeti mendor”, njofton policia.