Një punëtor shqiptar ka humbur jetën pasi ka rënë nga lartësia në një kantier punimi në Mykonos. 49 vjeçari po lyente murin e jashtëm të një godine, ndërsa me të ishte dhe i biri i cili e ndihmonte. Ky i fundit sapo ishte larguar për të çuar disa mjete në makinën e tyre, në momentin kur i ati ra nga lartësia.
Protothema raporton se shkaqet janë ende të paqarta, ndërsa sipas të dhënave të para rezulton se shtetasi shqiptar nuk ishte i pajisur me dokumente të ligjshme qëndrimi në Greqi.
Me të ardhur sërish në zonën e punës, ka qenë djali i cili ka gjetur të atin të pajetë. Ndërkohë punëdhënësi i shqiptarit është shpallur në kërkim nga policia.