Fatmirësisht shpëtuan me plagosje, në atë që mund të shndërrohej fare kollaj në një tragjedi të shumëfishtë.
Një prej 3 personave që mbeti i plagosur nga shpërthimi i një granate në Prrenjas, tregoi për median se çfarë ndodhi.
45 vjeçari Olsi Elezi u shpreh se ai së bashku me tre të tjerë po punonin tokën me bel, kur papritur një granatë e vjetër shpërtheu në tokë. 45 vjeçari i cili mori plagë në të dyja këmbët, tregoi se po punonin në oborrin e shtëpisë së tyre.
“Duke punuar, nuk e mora vesh si plasi. Ishim 4 veta duke punuar me bel. Ishte toka e shtëpisë. Nuk e mbaj mend nëse kemi punuar më parë aty”, deklaroi 45 vjeçari.
Dy të lënduarat e tjera (gra) janë dërguar ndërkohë për trajtim më të specializuar në spitalin e Traumës.