Gizem (mister në turqisht) u ribashkua më së fundmi me të ëmën, 57 ditë pasi vogëlushja u nxorr e gjallë nga rrënojat e tërmetit në shkurtit në Turqi.
Lajmin e ka përcjellë përmes një videoje mjaft prekëse ministrja e familjes dhe shërbimeve sociale Derya Yanik, e cila ndihmoi në ribashkimin e nënës me të bijën, tashmë 3 muajshe e gjysëm.
Gizem, emri i vërtetë i të cilës është Vetin Begdas, u nxorr nga rrënojat 128 orë pas rënies së tërmetit. Vajza u dërgua në spital dhe ishte një ndër qindra fëmijët, identiteti i të cilëve nuk ishte mësuar në ato ditë kaosi e dhimbje.
54 günlük hasret sona erdi.?
— Derya Yanık (@deryayanikashb) April 3, 2023
Enkaz altından 128 saat sonra kurtulan, hemşirelerimizin Gizem Bebek ismini koyduğu Vetin Begdaş 54 gün sonra annesine kavuştu.
Vetin artık bizim de bebeğimiz.
Bakanlık olarak desteğimiz her zaman yanında olacak. pic.twitter.com/66sWKR53z3
Tashmë pas një testi ADN-je, fëmija u dërgua në krahët e të ëmës (Yasemin Begdas), e cila është ende e shtruar në spitalin në Adana.
Kur ekipet e shpëtimit e nxorrën vogëlushen nga rrënojat, panë se foshnja nuk kishte asnjë problem shëndetësor. Fatkeqësisht babai i vogëlushes dhe dy vëllezërit e saj humbën jetën prej tërmetit. Të vetmit që i mbijetuan tragjedisë me mbi 50 mijë viktima, ishin nëna dhe e bija.