Javën e kaluar në emisionin “Për Shqiptarët” bëmë të njohur historinë e dhimbshme të Afrorës, një 14 vjeçare nga Kosova e cila është diagnostikuar me tumor në kokë.
Thirrjes për të ndihmuar adoleshenten iu bashkangjitën mijëra shqiptarë, të cilët kanë bërë të mundur kurimin e sëmundjes së saj në spitalin “Bambino Gesu” në Italinë fqinje.
Lajmin e gëzueshëm se shuma është arritur, Afrora e mori nga dhoma e spitalit.
Së bashku me nënën e saj, Afrora u nis drejt Italisë, atje ku ajo do të kurohet e luftojë sëmundjen. Me një ndjenjë gëzimi e çlirimi në zemër, nëna e Afrorës falenderoi të gjithë ata shqiptarë që dhanë diçka për vajzën e saj në këtë muaj të bekuar të Ramazanit.
“Ndihem shumë e lumtur që arrita ta dërgoj më në fund vbajën për shërim. Për mua është befasi që u arrit kaq shpejt shuma për vajzën time. I falenderoj të gjithë shqiptarët, sidomos Elvisin që i ka hapur dyert për shërimin e vajzës. Shpresoj që të arrijmë sukses e të kthehemi shëndoshë e mirë.”-tha nëna e Afrorës.
Nuk na mbetet veçse të lutemi që 14 vjeçarja të shërohet me shërim të shpejtë e të plotë.
