Në moshë të thyer, kur forcat e kanë lënë, merr lajmin se mbesa është prekur nga tumori në kokë. Lotët i kanë mbetur tani këtij burri të moshuar. Lotët i lajnë fytyrën, kurse në zemër mban një dhimbje që vetëm ai e di. Mbesa 14 vjeçe, ndodhet në spital, rrezikon të shuhet.
“Nuk kam as fjalë për ta përshkruar, se vallaj është e vështirë. Për ne është katastrofë. S’po di si mundem me e përballu. Mbesa është gjithçka për mu, ndoshta më e shtrenjtë se vajza jeme.”-thotë gjyshi i Afrorës.
Me lot, ai kujton një memorje që i vjen ndërmend me mbesën. Kanë kaluar më shumë se 10 vite, e ai kujtim e bën edhe sot të qajë. Tregon për lidhjen e fortë që ai ka me Afrorën…
“Po ju tregoj një rast. Ka qenë tri vjeçe… erdhi e më tha, gjyshi (qan), a do ti kafe? Tri vjeçe i ka pas…”-thotë mes të qarave i moshuari.
I moshuari tregon se ai vetë s’mundet t’i bëjë dot ballë të keqes që i ka zënë mbesën. U lutet me gjithë shpirt shqiptarëve për ndihmë, në këtë muaj të bekuar të Ramazanit.
“Jemi munduar t’i dalim në krahë në të gjitha mënyra, po s’mundemi. Unë u kisha lut krejt shqiptarëve që kanë zemrën e mirë, që ta ndihmojnë mbesën time. Ju kisha lut në këtë muaj të Ramazanit, që të bënim një mrekulli për t’i shpëtuar jetën mbesës.”-thotë gjyshi i Afrorës.