Një aksident i rëndë ndodhi në rrugën “Lezhë- Milot” ku për pasojë mbetën të plagosur 4 persona. Në aksident u përfshi një veturë me 4 persona dhe një kamion që drejtohej nga një 70 vjeçar.
Shoferi dhe tre pasagjerët e automjetit “Volkswagen” janë transportuar me urgjencë drejt spitalit, por fatkeqësisht njëri prej tyre ka humbur jetën. Fjala është për një burrë në moshë të thyer, 80 vjeçar. Tre të dëmtuarit e tjerë tanimë ndodhen në spital, nën kujdesin e mjekëve.
Lezhë/Informacion paraprak
Rreth orës 12:30, në aksin rrugor “Lezhë-Milot”, janë përplasur automjeti tip “Volksëagen”, me drejtues shtetasin Z. C., rreth 70 vjeç, me kamionin me drejtues shtetasin K. J.
Nga përplasja janë dëmtuar shtetasi Z. C. dhe 3 pasagjerët në automjetin që drejtonte ai. Njëri nga pasagjerët, shtetasi I. D., 80 vjeç, ka humbur jetën gjatë transportimit në spital, ndërsa 3 të dëmtuarit e tjerë janë në kujdesin e mjekëve.
Grupi i posaçëm hetimor po punon në vendngjarje për të zbardhur rrethanat e aksidentit.