Një aksident i rëndë automobilistik ka ndodhur në rrugn “Martin Camaj” në Durrës, ku për pasojë ka humbur jetën një 37 vjeçar dhe dy tjerë janë plagosur.
Viktima është përplasur me një grua 49 vjeçare e cila udhëtonte me një tjetër grua në makinën e saj. Si pasojë e aksidentit ka humbur jetën 37 vjeçari me inicialet R.L. Të plagosur kanë mbetur shoferja 49 vjeçare dhe pasagjerja. Këta dy të fundit janë transportuar me urgjencë në spital dhe ndodhen nën kujdesin e mjekëve.
“Më datë 27.02.2025, në lagjen nr. 13, Durrës, në rrugën “Martin Camaj”, automjeti me drejtues shtetasin R. L., 37 vjeç, është përplasur me automjetin me drejtuese shtetasen T. Ç., 49 vjeçe.
Si pasojë ka humbur jetën në vendngjarje shtetasi R. L. dhe janë dëmtuar shtetasja T. Ç. dhe pasagjerja në automjetin e saj, shtetasja K. D., të cilat ndodhen në kujdesin e mjekëve.
Grupi hetimor po punon për zbardhjen e rrethanave të aksidentit”, njofton policia.