Një aksident i shumëfishtë ka ndodhur këtë të enjte (2 janar) në rrugën Fier- Levan, ku janë përplasur 3 automjete.
Sipas dëshmitarëve në vendin e ngjarjes, një autobot i ka prerë rrugën dy makinave duke u bërë shkaktare e aksidentit.
Prej aksidentit janë plagosur tre persona të cilët ndodheshin në dy mjetet që u përplasën me autobotin.
Të lënduarit janë dërguar me urgjencë në spitalin rajonal të Fierit dhe ndodhen nën kujdesin e mjekëve. Nga të dhënat paraprake, raportohet se të plagosurit janë jashtë rrezikut për jetën.