Një aksident i rëndë ka ndodhur në rrugën nacionale Berat- Lushnje, në afërsi të fshatit Moravë. Një makinë e tipit ‘Toyota’ i ka prerë rrugën një makine tjetër me targa gjermane ku udhëtonte një familje me dy fëmijë.
Automjeti i këtyre të fundit ka përfunduar në kanal, ndërsa të plagosur kanë mbetur burrë e grua së bashku me dy fëmijët 14 e 9 vjeç.
Mjekët e spitali thonë se pjesëtarët e familjes kanë pësuar lëndime e shembje në pjesë të ndryshme të trupit, por që fatmirësisht nuk janë në rrezik për jetën.
Drejtuesi i mjetit që solli aksidentin, është shoqëruar nga ana e policisë. Testet i janë kryer dhe priten rezultatet nëse ka qenë nën efektin e lëndëve narkotike apo të alkoolit.