Policia e Lezhës ka vënë në pranga shoferin e një furgoni i cili rezulton të jetë përgjegjës për aksidentin që i kushtoi jetën një 56 vjeçari.
Aksidenti ndodhi të premten në rrugën Lezhë- Milot. Sipas hetimit të autoriteteve, shoferi i furgonit i identifikuar si Mark Macaj, ka hyrë në një parakalim të gabuar, duke u përplasur me motoçikletën që drejtohej nga Pavlin Ndoj, 56 vjeçar.
Ky i fundit mori plagë serioze. Ai u transportua me urgjencë drejt spitalit të qytetit, por nuk mundi t’i mbijetojë dot plagëve.
Policia e ka arrestuar këtë të shtunë shoferin e furgonit, duke e akuzuar për veprën e ‘shkeljes së rregullave të qarkullimit rrugor”.