Me vajzën e tyre në krahë, Sheidja e Samiri mbërritën në aeroportin e Tiranës, me zemrat mbushur me shpresa plot. Brenda një kohe rekord prej 48 orësh, shqiptarët zemërmirë anembanë botës, iu përgjigjën thirrjeve të tyre për ndihmë, për t’ja mundësuar kurimin foshnjes së tyre 5 muajshe, Kleas.
Vogëlushja e prekur nga tumori në tiroide, vuante prej 5 muajsh në dyert e spitaleve të Prishtinës. Famija nga Rahoveci i Kosovës iu drejtua për ndihmë emisionit “Për Shqiptarët” dhe falë Zotit, ndihma erdhi nga donacionet e bamirësia e mijëra zemrave.
“Ju falenderojmë, të gjithë shqiptarët dhe Elvis Naçin që na e mundësuan kurimin. Nëse vajza do të rrinte në Kosovë, nuk do të ishe shëruar”-thotë babai i Kleas.
“Besoj dhe shpresoj tek Zoti e shqiptarët që më kanë ndihmuar, që do të kthehem me vajzën e shëruar”-thotë nëna e foshnjes.
Nuk na mbetet tanimë veçse të lutemi për shërimin e plotë dhe të shpejtë të Kleas.