Ëndërra e tij ka qenë futbolli. Por kur sëmundja erdhi, gjithçka përfundoi. Një goditje e fortë dhe u shtrua në spital. E kujton sikur të kishte ndodhur dje momentin kur dëgjoi mjekët t’i thonin se kishte veçse 2 muaj jetë…
Kjo është sprova e një djaloshi veçse 16 vjeçar, i quajtur Darjan. I prekur nga një sëmundje e rëndë e quajtur tromboza veno porta, Darjani nuk mundet më të as të ëndërrojë. Shtruar në spital në gjendje të rëndë shëndetësore, sytë i mbushen në lot kur e pyesin se cila është dëshira e tij më e madhe.
Ky 16 vjeçar, që dikur ëndërronte të ishte futbollist, sot ka një dhe vetëm një dëshirë… jetën. Të mund të shërohet. Të mos i shohë me dyert e spitaleve, të mos ndjejë më dhimbje, të mund të jetojë.
“Kanë qenë vite shumë të vështira. Duke u shkëputur nga shoqëria dhe i ndarë nga futbolli që më pëlqente aq shumë ta luaja. Kur më thanë mjekët që kisha edhe dy muaj jetë… ishte e tmerrshme (qan). Më vinin mendime nga më të ndryshmet në kokë. Familjen mendoja (qan) të gjithë njerëzit e mi të dashur. Ëndrrat e mia, shkollën…
Dua të shërohem dhe të vazhdoj jetën, për familjen time, për gjithë njerëzit që më duan.”—thotë Darjani.