Prej ditësh tashmë Italia po përballet me përmbytje masive në zonat qendrore e veriore të vendit, ndërsa këtë mëngjes, një tjetër dramë ka ndodhur. Një helikopter është rrëzuar në Lugo, gjatë një operacioni drejt qytezës së prekur rëndë nga përmbytjet.
Në bordin e helikopterit ndodheshin 4 persona. Të katërt janë lënduar, ndërsa dy prej tyre ndodhen në gjendje të rëndë shëndetësore.
Precipita elicottero a Belricetto di Lugo nel ravennate https://t.co/0Nx1w36kIw
— Local Team (@localteamtv) May 20, 2023
Sipas të dhënave që raporton “Sky tg24”, helikopteri po fluturonte në lartësi të ulët, për të kontrolluar linjat elektrike. Në vendin e ngjarjes kanë shkuar zjarrfikësit dhe karabinierët, ndërsa zhytësit kanë nisur kërkimet për të gjetur kutinë e zezë në bord, për rindërtimin e asaj që ndodhi. Për momentin nuk është gjetur asnjë dëshmitar okular i ngjarjes dhe pista e hetimit flet për një ulje të gabuar.
