Një 17 vjeçar shqiptar me origjinë nga Pogradeci, ka humbur jetën në një aksident të rëndë në Kavala të Greqisë fqinje. I mituri i quajtur Eena Topi udhëtonte me motor së bashku me një tjetër person, kur ka humbur kontrollin e mjetit dhe është futur në rrotat e një kamioni plehrash të bashkisë së qytetit. Përplasja ka qenë fatale për 17 vjeçarin.
Lajmi për humbjen e tij ka tronditur banorët e zonës, miqtë dhe familjarët e të miturit. Stafi arsimor i shkollës ku mësonte adoleshenti shprehu ngushëllimet dhe dhimbjen e thellë për humbjen e të riut, i cili po ashtu luante futboll.
“Një fëmijë i lumtur, i dashur nga të gjithë, sportist, lojtar i ekipit të futbollit të shkollës sonë. Zoti i dhëntë kurajë familjes”, thuhet në njoftimin e shkollës.
Ekipi i AO Kavala përcolli një njoftim duke thënë se“me pikëllim të madh mësuam për aksidentin e heroit tonë të vogël Enea Topi. Një prej lojtarëve që luftoi fort vitin e kaluar për ekipin tonë, duke na mësuar se çfarë do të thotë dinjitet dhe dashuri vetëmohuese për qytetin dhe A.O. Kavalën. Urojmë me gjithë zemër kurajo dhe forcë për familjen e tij që u nda kaq papritur dhe para kohe nga Enea… të qoftë i lehtë dheu, udhëtim të mbarë mes ëngjëjve Enea”
Trupi i të riut pritet të sillet në vendlindje, për t’u përcjellë për në banesën e fundit ditën e enjte (nesër).