Një skenë e pazakontë ka ndodhur në përfundim të kohës së rregullt në ndeshjen mes Leipzig dhe Aston Villa, ndeshje e vlefshme për Champions League.
Me të rënë bilbili që sinjalizoi përfundimin e ndeshjes, gjyqtari anësor, italiani Alessandro Giallatini, u pa teksa u mbush në lot. Afër tij u afruan disa lojtarë dhe trajneri i Leipzig Marco Rose.
Ky i fundit zbuloi dhe arsyen përse trajneri anësor po qante gjatë konferencës së tij pas ndeshjes.
“E pyeta se çfarë i kishte ndodhur. Ai më tha se kjo ishte ndeshja e fundit për të në arbitrim. Një histori e bukur dhe emocionuese. E përgëzova dhe i thashë se tani ka më shumë kohë në dispozicion dhe se duhet ta shfrytëzojë në mënyrën e duhur si dhe të kujdeset për familjen”, deklaroi Marco Rose.
Arbitri italian mban stemën e FIFA-s që prej vitit 2013, ndërsa si gjyqtar ka qenë pjesë e ndeshjeve të mëdha në Euro 2020 dhe Botërorin 2022.