Një aksident tragjik ndodhi mbrëmjen e të mërkurës në një qytezë të Greqisë fqinje, ku viktimë mbeti një 32 vjeçar shqiptar. Viktima, i identifikuar si Kosta, udhëtonte në makinë së bashku me vëllain e e bashkëshortes.
Për motive ende të paqarta, makina ku udhëtonin dy të rinjtë ka dalë nga rruga në aksin nacional Antirrio-Janina, në afërsi të Evinokorit. Kosta ka humbur jetën në vendin e ngjarjes, ndërsa kunati i tij 26 vjeçar ndodhet në spital, i intubuar.
Tragjedia shokoi komunitetin në Aitoloakarnania. Kosta ishte martuar pak muaj më parë, jetonte në Agrinio dhe punonte në një servis makinash.