Një shqiptar i moshës 50 vjeçare (ende i paidentifikuar), është ekzekutuar këtë të enjte në Selanik të Greqisë. E gjithë skena është filmuar nga kamerat e sigurisë ndërsa ngjarja ka ndodhur në një pikë karburanti. Viktima ka debatuar me shoferin e një makine. Në pamje dallohet sesi 50 vjeçari tenton ta godasë shoferin me një zinxhir, ndërsa më pas qëllohet me armë dhe rrëzohet përdhe.
— kakajason (@kakajason50) July 13, 2023
Sipas medias greke, shqiptari është qëlluar të paktën me dy plumba, ndërsa shoferi mandej është larguar me shpejtësi nga vendi i ngjarjes.
Nga të dhënat e deritanishme, dyshohet se shkak i ngjarjes është bërë një sherr i momentit në pikën e karburantit.
Policia ka nisur kërkimet për autorin si dhe hetimet për të hedhur dritë mbi ngjarjen e rëndë.