Një 21 vjeçar ka rënë në prangat e policisë si autori i dyshuar i një aksidenti që i mori jetën dy personave ditën e premte.
I arrestuari është i riu me inicialet G.B, i cili ditën e djeshme përplasi me makinën e tij në fshatin Mjedë të Vaut të Dejës xhaxha e nip, në moshat 63 e 43 vjeç.
21 vjeçari humbi kontrollin e mjetit të tij dhe doli nga rruga, duke përplasur dy këmbësorët. Aksidenti rezultoi fatal për dy të afërmit Njëri prej tyre ndërroi jetë në vendin e ngjarjes, ndërsa tjetri më vonë, gjatë transportimit për në spital.
“Rreth orës 17:00, në fshatin Mjedë, shtetasi G.B, duke drejtuar automjetin tip “Mercedes Benz”, ka humbur kontrollin mbi drejtimin e automjetit dhe për pasojë automjeti ka dalur nga rruga, duke ka përplasur dy këmbësorët, shtetasin N. P., 63 vjeç, i cili si pasojë e përplasjes ka humbur jetën në vendngjarje dhe shtetasin N. P., 43 vjeç., i cili ka humbur jetën gjatë transportimit për në Spital.”-njoftoi policia.