Reperi i njohur shqiptar Viktor Palokaj, i njohur për të gjithë si ‘Unikkatil’ i ka dedikuar një mesazh prekës vëllait të ndjerë, i cili u gjend më 2 mars pa shenja jetë në shtëpinë e tij në Prishtinë.
“Zemra ime u thye në miliarda copa”, shkruan Unikkatil.
Dedikimi:
“My one and only, ti që ke qenë gjithmonë aty për mua. Ty që të kisha jo vetëm vëlla, po edhe shokun më të mirë. Ti më deshe më shumë se veten, e edhe unë ty njëjtë. Gjithmonë i buzëqeshur, pozitiv e sypatrembur. Trimi im! Edhe në momentet e fundit ke thënë mos të më tregonin mua, sepse ke pasur brengë se po pësoja aksident duke u ngutur të vija te ti. Përjetove gjëra që disa nuk munden as me qindra jeta, e vetëm në ëndrra. Zemra ime u thye në miliarda copa…”, shkruan Unikkatil, duke përmbyllur me njoftimin për përcjelljen mortore më 9 mars.