Për 5 vite me radhë, pa trupin e të birit duke u deformuar. Sakrifikoi gjithçka kishte për t’i ushqyer, ndërsa çdo natë qau për Julin e saj, sepse nuk kishte mundësi t’ja largonte skoliozën prej trupit të birit.
Sot e dëshpëruar dhe e përhumbur në dhimbje, Afërdita i lutet me përgjërim shqiptarëve. Sot kjo nënë që e vetme rriti tre fëmijët e saj, kërkon ndihmë nga njerëzit zemërmirë, nga prindërit që njëlloj si ajo do të jepnin shpirtin për evladin. Sot kjo nënë që nuk ka mundësi t’i shpëtojë jetën të birit, lutet për ndihmë.
“ (Sëmundja e djalit) Më ka këputur shpirtin. Është djali i madh, do të më bëhej zoti i shtëpisë. Por në kushtet që është, nuk është i zoti as për veten. Vetëm Juli të bëhet mirë edhe të vdes pastaj, nuk kam gajle. Të mos vuajë, të mos e shoh më kështu djalin. I lutem shqiptarëve të më ndihmojnë, për Julianin… nuk mundem vetë.”-thotë Afërdita mes lotëve.