Itali: Rrahu e përndoqi partneren për muaj me radhë, prangoset 44 vjeçari shqiptar
Karabinierët e Frosinones kanë vënë në pranga një 44 vjeçar shqiptar, i cili akuzohet për dhunë fizike e kërcënime të përsëritura ndaj partneres së tij.
Ngjarja ka ndodhur në qytezën e Supino-s, ndërsa 44 vjeçari shqiptar është lënë në arrest shtëpie me një byzylyk kontrolli elektronik.
Ish partnerja e ka denoncuar disa herë sjelljen e dhunshme të shqiptarit, duke filluar që prej korrikut të vitit të kaluar e deri së fundmi, në shkurt 2025. Në këtë kohë, gruaja është shprehur se pas një takimi të dakordësuar me 44 vjeçarin për kthimin e sendeve të tij personale, ai është sjellë në mënyrë të dhunshme.
Fillimisht 44 vjeçari nuk ka pranuar ndarjen duke e shtyrë gruan në rrugë. Më pas e ka ndjekur me makinë dhe e ka rrahur me grushte në fytyrë e trup. Gruaja ka përfunduar në spital me lëndime që do t’i duhen 40 ditë që të shërohen, informon media italiane.
Përveç arrestit shtëpiak me byzylyk elektronik, Gjykata e ka urdhëruar shqiptarin me ndalim total të komunikimit dhe aksesit në rrjetet sociale.