Japonia është goditur nga një tërmet i fuqishëm me një magnitudë prej 7.6 Rihter, ndërsa lëkundjet kanë sjellë ngritjen e alarmit për tsunami në thuajse të gjithë brigjet perëndimore të vendit.
Epiqendra e tërmetit ka qenë në gadishullin e Noto-s, në prefekturën Ishikava. Sipas Agjencisë Meteorologjike të Japonisë, tërmeti ka qenë më i larti i regjistruar ndonjëherë në të gjithë historinë e kësaj zone, qëkur nisën matjet e tërmeteve atjë më 1885.
URGENT:-🚨Destruction aftermath the terrible 7.6 M earthquake hits Kanazawa of Ishikawa Prefecture, Japan #Japan #Destruction #Kanazawa #Earthquake #Tsunami pic.twitter.com/m1SHWU2o7v
— EUROPE CENTRAL (@europecentrral) January 1, 2024
Video e shpërndara në rrjetet sociale janë të shumta, teksa njerëzit në panik përballen me lëkundje tejet të forta. Në disa zona pranë epiqendrës toka është çarë, ndërsa mijëra e mijëra kanë lënë shtëpitë.
Duke iu referuar disa zyrtarëve në institucionet e specializuara, BBC-ja shkruan se tërmeti ka rritur ndjeshëm dhe rrezikun e rrëshqitjeve të dherave dhe rënies së zjarreve në zonat e prekura. Autoritetet kanë lajmëruar qindra mijëra njerëz që jetojnë pranë brigjeve perëndimore të Japonisë, që të lënë shtëpitë dhe të ngjiten në vend të larta. Po sipas tyre, shkruan BBC-ja, pritet që valët e tsunamit të jenë deri në 5 metër të larta. Deri më tani valët më të larta që janë regjistruar kanë qenë mbi një metër.
Tsunami is the scariest thing #earthquake #Japan pic.twitter.com/ik2FKNBYdG
— 伯金 • Беркин • ברקין • Bеrkin (@B2RKN) January 1, 2024
Në një prej qyteteve (Sozu) që ndodhet pranë epiqendrës, ka raportime se një seri me ndërtesa janë rrëzuar. Në të gjithë prefekturën janë pezulluar udhëtimet me trenat e shpejtë. Autoritetet përgjegjëse për centralet bërthamore kanë raportuar se nuk ka patur dëme prej tërmetit.