“Unë jam komshie e Donikës. E njoh prej 12 vitesh. Kam hequr të mirën dhe të keqen e saj. Ajo vinte me vajzat në shi, rrinte poshtë derës sime. Më thoshte i kam vajzat pa bukë…”
Këto janë fjalët e një nëne që qan sa herë kujton fqinjen e saj Donikën.
Donika po i rrit e vetme dy vajzat e saj të vogla, pas vdekjes tragjike të të shoqit. Vetë ajo po lufton me sëmundjen e tumorit në gji, ndërsa vajza e saj e madhe Keisi është e sëmurë, me kriza të forta epilepsie.
“Jam shumë e prekur nga historia e saj. (qan) Edhe unë kam dy fëmijë edhe me kushtet që rriten fëmijët e mi krahasur me dy fëmijët e Donikës… ndihem shumë e lënduar.
Vajzat e Donikës janë shumë shumë keq, unë çdo gjë që ato më kërkojnë nuk ua mbaj, nuk ua lë asnjë moment.
Donika është shumë e sëmurë vetë. Unë u lutem të gjithë shqiptarëve, vini dorën në zemër, për sëmundjen që Donika ka dhe vajza e saj ka. Të kenë dhe ata një shtëpi të ngrohtë ku të rrinë”-thotë fqinja e Donikës.