Një punëtor ndërtimi ka humbur jetën në rrethana tragjike në Krujë.
45 vjeçari Ylli Xhaferri ka qenë duke punuar në ndërtimin e një banese private në fshatin Mazhe, kur ka rënë në kontakt me energjinë elektrike.
Ai është dërguar pa shenja jete në qendrën shëndetësore më të afërt.
Xhaferri ishte baba i tre fëmijëve.
Mbetet ende e paqartë sesi 45 vjeçari ka rënë në kontakt me rrymën. Hetimet kanë nisur për të zbardhur ngjarjen e rëndë.
‘Krujë/Më datë 19.02.2025, rreth orës 09:50, në fshatin Mazhë e Vogël, duke punuar në banesën e shtetasit G. D.,ka rënë në kontakt me rrymën elektrike dhe për pasojë ka humbur jetën shtetasi Y. Xh., rreth 40 vjeç.’, njofton policia.