Ambasadori i Shqipërisë në Austri Fate Velaj, ka njoftuar se lejet e drejtimit të shoferëve në Shqipëri e Kosovë do të njihen nga shteti austriak.
Vendimi ka hyrë në fuqi që prej datës 1 mars të këtij viti. Shteti austriak njeh tanimë patentat e të gjitha kategorive të shteteve shqiptare.
“Njoftojmë të gjithë bashkëatdhetarët tanë se, sipas njoftimit zyrtar nga pala austriake, shqiptarët dhe kosovarët mund të qarkullojnë në Austri me patentën e tyre shqiptare ose atë të Kosovës deri në 6 muaj, pa pasur nevojë për ndonjë procedurë shtesë.
Për ata që qëndrojnë më gjatë, lejet e drejtimit mund të konvertohen në austriake pa dhënë provimin praktik”, shkruhet në faqen e ambasadës në rrjetet sociale.