Një aksident ka ndodhur të hënën në qendrën e qytetit të Lushnjes, në trotuarin përballë poliklinikës së qytetit. Një grua në moshën 56 vjeçare ka humbur kontrollin e automjetit të saj ‘Mercedes Benz’, duke u përplasur me një tezgë ambulante dhe një këmbësor. Gruaja ka përfunduar në trotuar atje ku ka goditur tezgën dhe një kalimtar, një burrë të moshuar.
Ky i fundit është transportuar me urgjencë në spital dhe fatmirësisht ndodhet jashtë rrezikut për jetën.
Nga të dhënat paraprake, dyshohet se gruaja që drejtonte Benz-in ka ngatërruar pozicionin e marshit teksa po tentonte të dilte nga parkimi. Në vend të lëvizjes së mjetit pas, ajo ka ecur përpara duke hyrë në trotuar.