Një ngjarje e rëndë ka ndodhur në Milano të Italisë fqinje, atje ku një shtetas shqiptar është shtypur për vdekje nga treni.
Media vendase shkruan se ngjarja ka ndodhur mëngjesin e të martës ndërsa viktimë ka mbetur një 37 vjeçar shqiptar, identiteti i të cilit ende nuk është bërë publik.
Ekipi i mjekëve të urgjencës ka mbërritur menjëherë në vendin e aksidentit, por fatkeqësisht për të riun nuk mund të bëhej më asgjë.
Nga ajo që raporton media lokale, i riu është parë duke ecur përgjatë hekurudhave kur është përplasur nga një tren që po kalonte aty pranë.
Hetimet vijojnë për të hedhur dritë mbi ngjarjen. Nuk përjashtohet mundësia se 37 vjeçari mund të ketë kryer një akt të vetëflijimit.