Sportisti shqiptar Shkëlqim Koçi ka mundur të shpallet kampion në një kampionat të mundjes së krahut të mbajtur në Hungari, duke fituar në të dyja disiplinat.
Pjesë e turneut ishin sportistë nga e gjithë bota, ndërsa kampionati mbajti emrin e ‘Gjergj Skënderbeu’. Shqipëria fitoi të dyja medaljet falë Shkëlqim Koçit.
Sportisti shqiptar mundi me dorën e majtë një kundërshtar serb në finale, ndërsa në finalen tjetër në mundjen me dorën e djathtë, arriti të mposhtë kampionin e Hungarisë.
Vitin e kaluar sportisti shqiptar fitoi medaljen e bronzit në Kampionatin Botëror të zhvilluar në Zvicër.