Fatbardha 55 vjeçe dhe djali i saj Klodiani, humbën jetën të dielën e shkuar në një aksident tragjik që ndodhi në aksin rrugor Elbasan- Peqin, pranë fshatit Paulesh.
Ata udhëtonin me një makinë ‘Mercedes Benz’, kur u përplasën në një kthesë me një furgon pasagjerësh nën drejtimin e 44 vjeçarit Anesti Bufi.
Përplasja e fuqishme shkatërroi tërësisht veturën ku udhëtonin djalë e bir. Të dy këta mbetën të bllokuar në automjet dhe prej atje dolën të pajetë.
Aksidenti la të plagosur 4 pasagjerë dhe shoferin, të cilët u dërguan me urgjencë në spitalin e Elbasanit. Gjendja e tre prej 5 të plagosurve është rënduar, pasi së fundmi ata janë dërguar në spitalin e traumës për mjekim më të specializuar.