“Nipi është heroi im” 77 vjeçarja me shkop rrëzohet, momenti kur 3 vjeçari i shpëton jetën filmohet nga kamerat

Një vogëlush veçse 3 vjeçar ka mundur t’i shpëtojë jetën gjyshes së tij, ndërsa skena është filmuar prej kameras së sigurisë në shtëpinë e familjes.

Sharon Ljuis, 77 vjeçare dhe me probleme me ecjen, u rrëzua në shkallët e shtëpisë së saj në Kolorado të Amerikës. E moshuara pësoi shembje serioze. E gjakosur në kokë, ajo mbeti në asfalt, në pamundësi për t’u çuar.

Atë pasdite e moshuara ishte krejt e vetme me nipin e saj 3 vjeçar i quajtur Brixher. Por për fatin e habinë e saj, ishte pikërisht nipi vogël që ia shpëtoi jetën. E moshuara tregon se thirri nipin, i cili doli në oborr në mes të errësirës. Edhe pse nata kishte rënë e vogëlushi kishte frikë, ai ndoqi me guxim zërin e gjyshes.

“Është shumë errësirë gjyshe” i thotë 3 vjeçari të moshuarës, e cila i kujton kështu ato momente.

“I thashë mos kij frikë bir, gjithçka është mirë. Mos kij frikë, Zoti do të të ndihmojë”

Nën drejtimin e të moshuarës, 3 vjeçari hapi derën e makinës në garazh dhe prej atje mundi të marrë celularin e të moshuarës, në mënyrë që kjo e fundit të njoftonte ambulancën.

Kamerat e sigurisë në shtëpi madje, kanë filmuar momentin kur vogëlushi i thotë vetes “mos kij frikë, mos kij frikë”.

Vogëlushi mori celularin dhe mundi t’ja japë gjyshes. E kur ia arriti, vogëlushi dëgjohet në regjistrim teksa thotë “jej, ia dola.”

77 vjeçarja tregoi për median vendase se  mundi të telefonojë urgjencën e prindërit e vogëlushit. Ate natë ajo shkoi në spital dhe iu desh të bënte 23 qepje në kokë. Fatmirësisht e moshuara tanimë është mirë me shëndet.

Ajo vijon t’i thotë nipit “o heroi im”, por vogëlushi i thotë gjyshes se po ia ngatërron emrin, sepse ai quhet “Brixher”