Një trup i pajetë është gjetur mëngjesin e të enjtes nga punonjësit e mirëmbajtjes së rrugëve në një kryqëzim në Rrugën e Kombit, atje ku aksi nacional ndahet nga ai drejt Lezhës.
Punonjësit që kanë pikasur personin e pajetë kanë lajmëruar policinë. Trupi i pajetë u gjend pranë trafikndarëseve. Policia ka nisur hetimet dhe paraprakisht dyshon se viktima mund të ketë qenë kalimtar dhe është përplasur nga një automjet.
Pritet kryerja e autopsisë, e cila do të hedhë dritë me përcaktimin e shkakut të vdekjes. Viktima nuk është identifikuar ende.
Hetimet vijojnë për të zbuluar rrethanat e ngjarjes dhe mundësitë për identifikimin e personit.