Elsi është ky vogëlush që shihni në foto. Ai është 16 muajsh dhe qëkur erdhi në këtë botë, ka njohur veçse dhimbje…
Nga inkubatori deri në shtratin me çarçafët e bardhë, Esli është rritur duke dalë dhe hyrë nga dyert e spitaleve. Të shumta rastet kur nëna e babai i vogëlushit janë përballur me frikën më të madhe që mund të pushtojë zemrën e shpirtin e një prindi… një moment të tillë, na e rrëfen babai i Eslit, ndërsa zëri i dridhet.
“Kemi 16 muaj, thjesht rropatemi spitaleve… asnjë lloj shprese apo drite. Njëherë mbaj mend që e kam sjell këtu në spital, të nxirë… aty thashë (me vete) më vdiq! Ishte nxirë komplet, nuk merrte më frymë, e futën në reanimacion, në intubim. Mua më plas shpirti kur e mendoj sesa po vuan im bir”
Esli rrezikon jetën. Shanset janë të pakta në atdhe. Esli ka nevojë të largohet për kurim të specializuar, një shans që nëna e babai s’mundet dot t’ja japin të vetmit fëmijë, dritës që i mban zgjuar dhe të fortë në këto 16 muaj vuajtje.