Zemra e vogëlushit të saj mund të ndalojë. Frika ia rrëmben zemrën kësaj nëne, se mos vjen ai moment i tmerrshëm, se mos vjen ai çast që do ja thyejë zemrën në mijëra copa.
Prej kohësh derdh veç lot, sepse zemra e të birit mund të ndalojë. E merr në krahë djalin dhe qan papushim. Nuk mundet të bëjë dot asgjë, veçse të qajë e të lutet.
Në këtë Natë të Kadrit, ajo i drejtohet me lutje Të Gjithëmëshirshmit… të lutem o Zot, lëre në krahët e mi Kajanin, Ti ma dhe këtë mrekulli, të përgjërohem të mos ma largosh nga duart.
Në këtë Natë të Kadrit, kjo nënë nga Kosova i përgjërohet për ndihmë shqiptarëve. Vetë ajo s’mundet t’ja sigurojë kurimin jashtë shtetit djalit 6 muajsh.
“Sot është natë e madhe, është Nata e Kadrit… e unë i lutem Zotit që këtë mrekulli që ma ka dhënë, me ma kthy prap, mos me ma marrë. Veç kaq po dua, vetëm fëmija të bëhet mirë. Unë i lus krejt bamirësit me na ndihmu, me çu Kajanin për shërim. Kajani ka mundësi me u shëru, me u bërë një fëmijë normal”-thotë nëna e vogëlushit.