Pamje video, momenti kur moduli i kompanisë private ulet në sipërfaqen e Hënës

Të dielën e 2 marsit, “Blue Ghost” (Fantazma Blu) u bë kompania e dytë private e cila  arriti të ulë një sondë në sipërfaqen e Hënës.

Kompania private në Teksas e quajtur Firefly Aerospace uli modulin hapësinor në zoën e Mare Crisium në sipërfaqen e Hënës, ndërsa më tutje publikoi një seri me video të regjistruara gjatë uljes së mjetit kozmik.

Moduli i pajisur me mjete shkencore në bord është pjesë e një misioni për të dërguar sa më shumë të dhëna mbi Hënën, para se misioni Artemis i NASA-s të ulë në sipërfaqe të saj astronaut.

Nëse gjithçka shkon sipas planit, moduli Blue Ghost (Fantazma Blu) do të operojë për 14 ditë (barabar me një ditë hënore).

Një moment i shumëpritur është data 14 mars, kohë kur “Fantazma Blu” do të filmojë video me rezolucion të lartë të një eklipsi, kur Toka do të ‘bllokojë’ Diellin parë nga perspektiva e Hënës. Moduli i pajisur me mjete shkencore, do të studiojë e dokumentojë sesi perëndimi i Diellit në Hënë ndikon në ngritjen e pluhurit hënor.