Veriu i Italisë është “zgjuar” këtë të martë nga stuhi të fuqishme me erëra që arritën shpejtësi deri në 100 km/h. Të paktën 2 persona kanë humbur jetën në 24 orët e fundit. Një vajzë 16 vjeçe gjeti vdekjen pasi një pemë u rrëzua në tendën ku ajo po flinte. Vajza ndodhej në një kamp veror në Lombardi. Më herët (në Brianza) një grua humbi jetën, sërish për shkak të rënies së një peme.
Un violento temporale si è abbattuto durante la notte #25luglio a #Milano
— Fanpage.it (@fanpage) July 25, 2023
Molti i danni in tutta la #Lombardia pic.twitter.com/cyMxpQoja3
Në Milano ndërkohë, banorët janë përballur me një stuhi të fuqishme shiu e erërash. Disa qytetarë kanë publikuar video në rrjetet sociale, duke thënë se nuk kanë përjetuar ndonjëherë të tillë stuhi në Milano.
"Sembrava l'apocalisse, ora la città è devastata"
— Fanpage.it (@fanpage) July 25, 2023
Un violento nubifragio si è abbattuto su #Milano questa notte #25luglio
Le testimonianze dei cittadini ai microfoni di https://t.co/NN3zpghRyP pic.twitter.com/Mm0SDofmHl
Na Venezia janë publikuar po ashtu video të disa reshjeve të fuqishme të breshërit. Në video dallohet se breshëri ka një madhësi të konsiderueshme e nga pamjet duket sikur uji po “bombardohet”.
“Copat e akullit ishin sa një mollë” tha këtë mëngjes kreu i rajonit të Venetos Luca Zaia.
Dëmet kanë qenë të konsiderueshme, ndërsa autoritetet kanë raportuar për një sërë personash që kanë mbetur të lënduar.
Një tjetër pamje gjen në jugun e Italisë ndërkohë, atje ku vijojnë temperaturat ekstreme dhe zjarret masive. Autoritetet në aeroportin e Palermos u detyruan të pezullojnë punën, pasi bimësia në rrethinat e aeroportit u përfshi nga flakët. Vatra e zjarrit atje, është veçse njëra nga dhjetëra zjarret që janë përhapur në Siçili.