Është ndarë tragjikisht nga jeta në moshën 22 vjeçare futbollisti i klubit të Vushtrisë në Kosovës, Erjon Morina.
Disa javë më parë i riu pësoi një sulm në zemër teksa po kryente seancë stërvitore. Erjoni u shtrua në spital dhe qëndroi në gjendje kome.
Fatkeqësisht, në moshë kaq të re, 22 vjeçari mbylli sytë të enjten e 12 dhjetorit. Lajmin e kobshëm e përcolli edhe babai i të ndjerit, i cili më anë të një postimi prekës në rrjetin social facebook, shkroi:
“Ylli babit ike në qiell. Na thave zemrat Erjon! Do jetojmë të ngrysur me kujtimet më të bukura për ty! Do jesh ylli që do na ndriçon gjithmonë”.
Morina e ka nisur karrierën te FC Prishtina, derisa ka luajtur edhe për skuadra të tjera në Kosovë si Besa Pejë, Drenica, 2 Korriku, Llapi, Malisheva, Ulpiana dhe së fundmi ishte pjesë e Vushtrrisë.